اوركيديا VIP
عدد الرسائل : 19 تاريخ التسجيل : 15/03/2008
| موضوع: من روائع [ مهندس الكلمة ] الإثنين مارس 17, 2008 5:31 am | |
|
لاتجرحيني
لا تجرحيني .. جرحك العام ما طاب
داوي بحنانك ما مضى .. واجرحيني
ياللي حنانك نظرة بين الأهداب
ردي علي بعض العزا .. ناظريني
خافي على قلبٍ يحبك إلى ذاب
ذاب الهوى في خفقته .. والحنيني
لولاك ما زار القمر ليل الأحباب
ولا لوحت شمس المحبه جبيني
ولولاك .. ما يلفي على الدّار غياب
ولا تبكي اللي فارق الدار عيني
في غيبتك كل الملا عندي اغراب
ما أحدٍ أبي قربه .. ولا أحدٍ يبيني
لا ياغلا كل القرابه والأصحاب
ضاع العدل في الناس لو تظلميني
المحبه أرض
المحبة أرض والفرقا أراضي والزمن كله ترى لاغبت ماضي والله إني ما أشوف إلا عيونك إن رحلت اليوم أو طوّل مراضي قالوا العـذّال والعـذّال مرضى وش بلا حالك من الاشواق قاضي قلت يهجرني حبيبي لين يرضى علّموا الظالم ترى المظلوم راضي جرّحوني في هواك وقلت أبشكي ماهو من جرحي ولكن لـ إعتراضي وش علي لو قطّعوا لاجلك عروقي من رضى بالحب .. يرضيه التغاضي
عظم وغضاريف
في دربـكم يا راحلينٍ ٍ منـاكيف
تـالي ليـالي القيظ وأول خـريفه
ردّوا سـلام أهل القلوب المـواليف
على الوليف اللي نشــد عـن وليفه
ردّوه لعـذوق النخيــل المهـانيف
وعلى القصـور اللي بـوادي حنيفه
دارٍٍ لهـا بالقلب عشــق وتـكاليف
يـاعـل عيـنٍٍ مـاهـوتها كـفيفه
طـبنا وشـبنا وأتـعبتنا المشـاريف
والمـرقب العـالي هبـوبه عـنيفه
يا وارديـن العـد .. كفـّوا المغاريف
اللـي بقـى دمـعٍ هـماجٍٍ ذريـفه
والله لــو دمّي يـغيث المـلاهيف
قطعت عـرقي ليـن يصفى نـزيفه
ويا حظ من لا عرف منهو ولا شيف
إن طـاب ..يحمد وإن تـردّى .. بكيفه
وحنا ورثنا العـز عظم وغضاريف
لا مـا ورثـنا العـز تـاج وقطيفة
سألتي
قالوا سألتي .. عني سألتي ..
وأنا ما ادري ويني .. ضايع ياعيني ..
ما ادرى وش اللي ذكرك ..
مقطع شعر في دفترك ..
والا الكلام عن صاحبك ..
وانت عقدتي حاجبك ..
قلتي كلام كله كذب ..
وليه اتصلتي .. عنى سألتي؟
آخر لقانا في الخريف
تذكري الثوب الخفيف
والبرد .. يوم خفتى علي من البرد..
وامطار الخريف..
ومرت سنة يمكن سنين
ويني أنا ووين السنين؟
قلتي كلام كله كذب
ليه اتصلتي.. عني سألتي ..
صوتك طيور مهاجره ..
مرت في قلبي مسافره ..
والحب .. لو طال الغياب اول مداك وآخره ..
غيبي سنه والا سنين ..
بااجيك انا .. والا تجين
/ \
الأمير / بدر بن عبدالمحسن
| |
|
lemas مشرفة عــالــم حـواء
عدد الرسائل : 48 تاريخ التسجيل : 14/03/2008
| موضوع: رد: من روائع [ مهندس الكلمة ] الإثنين مارس 17, 2008 10:23 am | |
| كلمااات راااائعه بمعنى الكلمه كل الشكر لك والتقدير ع هذا الطرح ننتظر منك المزيد | |
|
mesho8 صاحبة الموقع
عدد الرسائل : 380 العمر : 35 المزاج : رايق ومتضايق رقم العضويه : 2 الوساااام : البلد : تاريخ التسجيل : 10/03/2008
| موضوع: رد: من روائع [ مهندس الكلمة ] الخميس مارس 20, 2008 2:28 am | |
| يسلمووووو على القصائد الرائع والمميزه عن غيرهاااا يعطيك الف عافيه على الطرح وماننحرم من جديدك تقبلي مروري
عدل سابقا من قبل mesho8 في الإثنين مارس 24, 2008 5:15 pm عدل 1 مرات | |
|
وحده كوول المدير العام
عدد الرسائل : 428 المزاج : رايق الوساااام : تاريخ التسجيل : 14/03/2008
| موضوع: رد: من روائع [ مهندس الكلمة ] الخميس مارس 20, 2008 2:05 pm | |
| يـــــعطيج الف عـــــــافيه ع هذي القصائد
بـــــــجد رووووووووووعه
تسلم يدج يالغاااليه | |
|
الــجــوري عضو متقدم
عدد الرسائل : 249 العمر : 32 تاريخ التسجيل : 19/04/2008
| موضوع: رد: من روائع [ مهندس الكلمة ] الخميس أبريل 24, 2008 4:01 pm | |
| صح لسانج اختي اوركيديا قصده جميله دمتي بود | |
|